港聞

港聞二

【Emily】發展局常秘林世雄榮休 起汀九橋最難忘

【明報專訊】發展局常任秘書長林世雄(圖)將喺本月退休,佢回顧35年政府工作,以「膽粗粗」形容兩項最難忘嘅工程,包括1990年代興建汀九橋,同埋舊年要喺短時間內搞掂嘅檢疫設施、臨時醫院項目。

寄語年輕工程師要「吃得苦」

發展局長黃偉綸嘅網誌噚日邀請咗林世雄分享經驗。林話青馬大橋同汲水門大橋喺1992年動工,香港之前未有建造呢類大跨度鐵索橋嘅經驗,至1993年汀九橋項目上馬,林世雄參與其中,無論施工、維修都走到最前線,雖然辛苦,最終都順利完成。至於去年因應疫情而要喺短時間內以「組裝合成」法興建嘅檢疫設施,林世雄跟同事喺數個月完成約4000個檢疫單位,亦喺4個月內完成有800張病牀嘅臨時醫院項目。

離別在即,林世雄寄語年輕工程師要「吃得苦」,因為書本上所學嘅都係理論,工程經驗仲要透過點點滴滴嘅實踐累積。

相關字詞﹕林世榮 黃偉綸 發展局

上 / 下一篇新聞