港聞

港聞二

【Emily】李家超同學生講古 學堂操到阿媽唔認得

【明報專訊】兩個中四學生Laser同Jobelle暑假時跟政務司長李家超做「工作影子」,Laser話令佢見到司長友善親切一面。李家超同兩個學生茶敘,話自己細個時係孱仔,做警察訓練咗大約兩個月,返屋企連阿媽都唔認得佢,「砰」埋門問佢邊位,李家超答「我係你個仔囉」,阿媽聽到佢把聲先敢確認。

「工作影子」學生當佢人生導師

暑假時40個學生參加咗「與香港同行」計劃,分別做咗20個政府官員嘅「工作影子」一日。

Jobelle話李家超係一個可以畀到佢人生忠告嘅人,而李家超就鼓勵同學仔堅信自己有能力應付問題,唔好低估自己,「最重要當你有問題真係解決唔到,真係要同人傾下」。

Laser話李家超提點咗佢「人生唔係一個死胡同」,應該嘗試多啲唔同嘅嘢,佢參加今次計劃,令佢更了解自己志願。李家超讚揚眼前嘅新一代充滿活力、希望、能量,「等我退休時可以安享晚年喇」。

相關字詞﹕政務司長 李家超

上 / 下一篇新聞