港聞

港聞二

【Emily】警隊拋書包講甘地 梁柏堅:放咗戴耀廷先講啦

【明報專訊】聯合國將印度聖雄甘地嘅生日,即係每年嘅10月2日訂為「國際非暴力日」。香港警察前日都有喺Twitter發文響應,引述甘地所言「非暴力係最強嘅武器」,呼籲大衆摒棄暴力。前區議員梁柏堅喺facebook就話,如果今時今日喺香港學甘地搞「不合作運動」,應該一早會畀警方以「顛覆國家政權」拉咗啦。

梁柏堅嘲諷話,警方以甘地講和平非暴力真係「好×好笑」,叫當局讀吓書先啦,反問邊個教識市民「和平遊行係冇用?」佔中發起人、一直主張和平抗爭嘅民主派初選統籌人戴耀廷因初選案仍然還押,梁柏堅就叫政府「放咗戴耀廷先講啦!無恥政權」。

「搞不合作運動畀人拉咗啦」

另一個前區議員黃文萱就質疑警方講甘地「係唔係煽動我地(哋),仲要用外國勢力嘅例子」。

相關字詞﹕梁柏堅 非暴力 甘地 香港警察

上 / 下一篇新聞