港聞

港聞二

【Emily】黨友探楊森 匯報C朗絕殺喜訊

【明報專訊】唔少喺獄中嘅民主派係足球迷,喺監倉就無波睇。民主黨莊榮輝話噚日同前主席劉慧卿去咗赤柱探黨友楊森,仲將基斯坦奴朗拿度(C朗)香港時間周四喺歐聯賽事入波、絕殺對手嘅事話畀楊森知,話佢哋兩個都係曼聯擁躉,點可以唔提C朗入波。C朗今季回歸曼聯,佢喺嗰場歐聯94分鐘補時階段入波,幫球隊以2:1反勝對手維拉利爾。

莊榮輝話佢15歲就認識楊森,唔經唔覺超過30年,又話楊森對香港嘅付出、對民主運動嘅貢獻,以及佢嘅氣節,都值得大家尊敬。劉慧卿亦話楊森精神唔錯,仍然十分關心社會動態。

相關字詞﹕莊榮輝 C朗拿度 楊森

上 / 下一篇新聞