港聞

港聞二

【Emily】調查:膠袋倘收兩蚊 九成人話唔攞

【明報專訊】膠袋徵費實施多年,環境局曾表示有意檢討徵費水平,惟只聞樓梯響。工聯會九龍東辦事處連同世界自然基金會香港分會(WWF)於8月9日至27日,向311名18歲或以上市民做網上問卷調查,了解市民對膠袋徵費計劃嘅意見,話約70%受訪者經常自備環保購物袋,但仍有49%人話購物嘅時候會用5毫購買膠袋;被問到如果每個膠袋收費增至1元,只有約25%受訪者表示會購買,若加到兩蚊,會索取膠袋嘅受訪者進一步降至8.4%。

WWF海洋污染經理王素君認為,每個膠袋收費5毫已維持多年,經濟誘因早已被消化,如每個膠袋收費加至1元,相信能大幅減低市民攞膠袋嘅意欲。工聯會就認為,膠袋徵費實施多年,棄置量仍高企,政府應考慮將部分獲豁免徵費嘅膠袋,改為納入收費計劃,以及鼓勵商戶提供誘因,例如向不索取膠袋嘅顧客提供優惠,以鼓勵更多市民自備購物袋。

相關字詞﹕膠袋徵費

上 / 下一篇新聞