港聞

港聞二

【Emily】香港故宮參加典亞藝博 展品預先睇

【明報專訊】位於西九文化區嘅香港故宮文化博物館明年開幕,不過香港故宮將參加下個月舉行嘅「典亞藝博2021」展覽,設置「香港故宮」展位,主題為「縱橫連結——香港故宮」,畀有興趣嘅市民透過導覽、演出、示範等活動,預先了解香港故宮嘅建築、展品及活動。

香港故宮喺典亞藝博將舉辦多場講座,主題包括有關故宮嘅古代繪畫、故宮文化與當代藝術、香港嘅博物館發展等,其中一場有關故宮文物嘅講座將於10月10日(周日)舉行,由兩名香港故宮嘅副研究員主講,介紹香港故宮其中兩個開幕展覽,分別係「陶瓷」和「馬文化藝術」。香港故宮又會舉行中國書畫修復工具示範、舞蹈及中西樂表演等。典亞藝博下個月8至11日喺灣仔會展舉行,有興趣參觀者可以去快達票買飛,票價120元,全日制學生及60歲以上長者50元。

相關字詞﹕香港故宮文化博物館

上 / 下一篇新聞