港聞

港聞二

【Emily】何俊賢批未交代改善選舉措施 曾國衞:非聲討大會

【明報專訊】立法會政制事務委員會討論12月立法會選舉嘅實務安排,總選舉事務主任翁應輝先就本月19日舉行嘅選委會選舉安排唔理想向公眾致歉,之後再介紹立法會選舉安排。不過,民建聯何俊賢就批評政府用PowerPoint,簡介議員已知嘅立法會選舉安排,係浪費時間,市民係想知道政府喺選委會選舉汲取嘅教訓,從而喺立法會選舉有咩改善,但文件上仲未睇到。

政制及內地事務局長曾國衞反駁,話明白議員對選委會安排有好多意見或建議,但今次開會主題並非檢討或聲討大會。何俊賢聞言就激動澄清,「無聲討佢,(選委會選舉)出咗問題,同樣可能出現喺立法會選舉……唔好將頂帽笠落我頭上」。曾國衞否認,強調只係想講點解個PowerPoint係講立法會選舉安排,而選委會嘅問題,選管會和選舉事務處應政府要求會盡快完成檢討,需要啲時間,噚日未必能詳細羅列當時所有情况。

相關字詞﹕選委會選舉 立法會選舉 完善選舉制度 何俊賢 曾國衞 政制及內地事務局

上 / 下一篇新聞