港聞

港聞二

【Emily】鄧棨然寄信家人 盼讀《純粹理性批判》

【明報專訊】因12港人偷渡案正喺內地監獄服刑嘅鄧棨然,近日寫信畀屋企談及近况。由鄧棨然家人開設嘅facebook專頁噚日上載鄧喺8月初寫畀媽媽同細佬嘅信,佢喺信中請家人幫佢買哲學家康德嘅著作《純粹理性批評(判)》,以及提供西班牙文同日文嘅自學教材書單。鄧又同屋企人話,由於獄方規定,佢𠵱家每月只可以用100蚊,屋企人之前轉畀佢嘅錢已經夠日後使費,叫佢哋唔使再轉錢畀佢。

近月炎熱 溫提家人飲水

呢兩個月天氣炎熱,喺獄中嘅鄧棨然感受可能更深。佢喺信中提醒屋企人要飲多啲水以免中暑,又叫佢哋唔好為太過慳錢而唔開冷氣,以免影響瞓覺質素。鄧亦畀咗啲「貼士」屋企人,提佢哋開冷氣時可以喺牀頭放杯水,或者將冷氣機設定喺開啟幾個鐘後自動熄機。

相關字詞﹕鄧棨然 12港人

上 / 下一篇新聞