港聞

港聞二

【Emily】曾住紅磡食叉飯 日本駐港總領事履新

【明報專訊】日本駐香港總領事館總領事岡田健一(圖)近日履新,領事館facebook噚日上載佢嘅到任致辭。岡田健一1988年加入日本外務省,翌年嚟過香港,喺中文大學參加一個夏季語言課程,佢話當時住喺紅磡,平日每日食美味嘅叉燒飯,周末就去酒樓食點心,十分享受香港嘅生活。岡田健一話十分珍惜當年嘅回憶,好高興再次嚟到香港,又話佢亦去過澳門,強烈感覺到無論風景、文化都同香港有明顯分別。

稱中港歷大變 會盡力學習

岡田健一原職為日本駐美國芝加哥總領事,之前亦曾派駐北京、上海、台北、首爾同華盛頓,佢話今次係佢第一次以官方身分喺香港工作,而明顯香港、中國喺好多方面都經歷咗重大轉變,佢會盡力學習,亦好期待喺香港同大家見面。

相關字詞﹕岡田健一 日本駐港總領事館

上 / 下一篇新聞