港聞

港聞二

【Emily】唐英年探公屋長者:生活得相當唔錯

【明報專訊】新選舉制度下,一眾選委會當然選委及自動當選嘅選委喺剛過去嘅周末落區派傳單,而屬當然選委嘅全國政協常委唐英年,噚日就落區探訪,分別去咗一間鋁材舖同一個公屋戶,咁多動作,但唐唐就特別聲明自己無意願參選特首,落區唔係為選舉熱身,而係關心市民,又話選委獲「賦權多咗,責任亦係重咗」,又形容自己做嘢比較貼地,希望多啲接觸市民。

唐唐話,想關心疫情下香港嘅經濟發展,引述受訪商戶關心通關問題,唐唐話可以理解,通關係市民訴求。佢之後去咗荃灣探一對70幾歲嘅公屋夫婦,傾咗大約半個鐘。唐唐之後話自己離開政府後,好少機會探訪基層市民,又笑言受訪家庭嘅婆婆跳繩叻過自己,覺得對方「喺香港生活得相當唔錯」。佢話每個選委都有責任了解市民需要同生活,「急市民所急,關心、愛護我哋啲市民」。

相關字詞﹕當然選委 唐英年

上 / 下一篇新聞