港聞

港聞二

【Emily】滘西洲公眾高球場加價 受訪者促暫緩

【明報專訊】賽馬會滘西洲公眾高爾夫球場早排宣布加價,工聯會轄下嘅香港康樂體育專業人員總會表示收到市民反映加價不合理,上星期做問卷調查,收集到981份意見,其中71.6%係高球運動參與者,24.2%係高球運動員,整體有97.5%受訪者反對加價。有受訪者反映,經濟仍在復蘇,球場作為公眾體育設施,又係全港唯一公眾高爾夫球場,仍然加費,對球場管理層同相關監管機構深表失望,希望管理層取消或暫緩價格調整。

根據球場網頁上月底公布,新收費下月1日生效,比較𠵱家同新收費表,果嶺費按現時收費加10至30蚊,視乎場地而定;全部訓練課程都加價幾十蚊,下星期一(13日)開始。球場喺公告解釋,由於場地一直係自負盈虧,無收其他機構資助,希望球員體諒價格調查嘅安排。

相關字詞﹕滘西洲公眾高爾夫球場

上 / 下一篇新聞