港聞

港聞二

【Emily】酒店界自動當選選委晤業界:感激「灣區先鋒」

【明報專訊】選委會9月19日舉行選舉,36個組別有23個喺冇競爭下,參選人全部自動當選,包括酒店界同紡織及製衣界。兩組別嘅候選人其實已經係候任選委,近日都分別會見業界,紡織及製衣界候任選委同業界分享政綱,包括落實愛國者治港原則、標榜香港設計和發揚香港品牌;而酒店界候任選委就調轉,聽粵港澳酒店總經理協會介紹該會嘅理念。

酒店界16名選委,包括瑰麗酒店集團首席行政總裁鄭志雯、本身屬政協委員嘅酒店界當然選委嘅合和實業創辦人胡應湘之子胡文新等,前日拜訪粵港澳酒店總經理協會。佢哋噚日發新聞稿話,對協會一直喺大灣區努力經營尤其感激,協會作為香港融入國家發展大局先鋒,一直透過聯繫各省市政府與中聯辦,促進內地與香港嘅酒店業交流;候選人承諾會繼續向酒店總經理級別同業,積極推介該協會,盡力為該會加添新血。

紡織選委開fb 至噚日21人讚好

而紡織及製衣界17名候任選委,見業界之餘都開咗facebook,暫時只有21人讚好。

相關字詞﹕紡織及製衣界 酒店界 選委會選舉

上 / 下一篇新聞