港聞

港聞二

【Emily】熱帶風暴「康森」或周末接近本港

【明報專訊】踏入9月,天文台噚日話,喺菲律賓以東嘅西北太平洋已形成兩個熱帶氣旋,其中一個已增強為熱帶風暴,命名「康森」,預測喺本周中後期進入南海,大致移向廣東沿岸至海南島一帶,有機會接近本港。根據天文台天氣預報,本港喺周六至下周二(11至14日)期間會有驟雨及幾陣狂風雷暴,吹和緩至清勁嘅東至東南風,離岸間中達強風程度,市民出街留意。

睇番熱帶氣旋預測移動路徑圖,「康森」預料周四下晝進入本港800公里範圍,大致移向廣東沿岸至海南島一帶,周六喺接近本港400公里範圍掠過,其間「康森」中心附近最高持續風速達每小時75公里。

截至噚日下晝4點,「康森」集結喺馬尼拉東南偏東約710公里,預料向西北移動,移向呂宋。天文台話,本港周末期間天氣將視乎「康森」嘅動向,以及其強度同環流大小,最新預報顯示,周末本港平均海平面氣壓有可能下降,代表「康森」可能較接近,令本港天氣唔穩定。

至於另一個位於西北太平洋嘅熱帶氣旋,截至噚日下晝4點集結喺雅蒲島以北約550公里,預料向西北移動,大致移向琉球群島一帶。

上 / 下一篇新聞