港聞

港聞二

【Emily】快必被捕一年 周冠威探監傾《幻愛》

【明報專訊】人民力量副主席譚得志(快必,圖)去年9月6日被捕,噚日剛滿一年,案件未審,佢一直被還押。噚日《幻愛》導演周冠威走去探快必,咁啱快必有睇過本原著,兩人就傾吓劇情,討論女主角首次出現係喺邊度,原來獄中其他政治犯都有討論過。

周冠威同快必分享,《幻愛》男女主角劉俊謙同蔡思韵因為拍攝成為情侶,但佢哋非常專業,未煞科之前都唔正式拍拖,當劇組拍完最後一場戲,天空出現彩虹,好似係上天祝福緊呢段感情,見證戀情嘅開始。15分鐘好快過,最後兩人舉起拳頭,拍拍心口,互相加油,快必話會寫信畀周導演。

胡志偉憶瓊富區議員日子

民主派立選初選案,當中34名被告仍然還押,包括民主黨前主席胡志偉。志偉喺獄中傳信出來,憶述自己做黃大仙瓊富區議員嘅日子,話服務該區四分之一個世紀,見證寮屋區發展成屋苑,形容呢個充滿人情味嘅小社區係佢嘅加油站。志偉話未知自己幾時能重獲自由,「只願政府清除了其眼中所謂的施政阻力後,能夠找到有效的替代方案,繼續改善社區環境令街坊有更好的生活」。

相關字詞﹕周冠威 人民力量 譚得志

上 / 下一篇新聞