港聞

港聞二

【Emily】前海關高層 顏慶璋升演藝副校長

【明報專訊】香港演藝學院噚日公布管理層新任命,助理副校長(校園發展及運作)顏慶璋升任副校長(行政),今日(9月1日)生效。睇番資料,顏sir背景並非演藝界別,而係退休紀律部隊,離職前任海關助理關長(行政及人力資源發展),2020年9月先加入演藝學院擔任助理副校長, 一年後接任副校長。

演藝學院好近灣仔政府總部,喺2019年反修例運動時都不時受到波及。演藝學院就無講顏sir嘅工作同校園保安或國家安全教育有無關,新聞稿話佢作為副校長,職務負責校園規劃、教學和學習設施,以及喺演藝學院相關行政和營運發展方面提供領導和指引,並協助校長蔡敏志領導及監督校園發展、人力資源、財務管理、學生事務及場地營運。

轉跑道嘅顏sir喺政府工作逾35年,曾任職海關唔同崗位,包括駐守機場緝毒。演藝新聞稿話,校董會主席周振基同校長蔡敏志均認為,顏sir嘅卓越領導才能同豐富經驗,能令學院發展更進一步,一齊為學院實現未來更多令人興奮嘅計劃,當中包括新教學設施和學生宿舍等發展項目。

上 / 下一篇新聞