港聞

港聞二

【Emily】8‧1全民運動日 免費康樂設施周日預訂

【明報專訊】8月1號係全民運動日,市民可以預訂康文署嘅康樂設施免費使用,或喺指定場地參加免費康體活動等。當日開放畀市民免費使用嘅設施包括羽毛球場、射箭場、公眾泳池、水上活動中心嘅艇等,有興趣嘅可以喺星期日(25日)上晝9點起,喺「康體通」訂場櫃枱預訂。

不論設施類別,每名市民只限預訂一節免費康樂設施,先到先得,而使用游泳池就唔使預約,只需要喺各個開放節段開始前排隊,額滿即止。

康文署呼籲租用人準時到場,如果冇用設施但又唔預先取消預訂,會被視作「不取場」一次,30日內有兩次「不取場」紀錄,就會被暫停預訂體育設施90日。

相關字詞﹕運動 全民運動日2021 康樂及文化事務署

上 / 下一篇新聞