港聞

港聞二

【Emily】尹兆堅今上庭 子女送Tee表愛意

【明報專訊】民主黨尹兆堅因民主派初選案還押,另涉去年維園六四未經批准集結案,今日要上庭。阿尹一對仔女好惜爸爸,小姊弟早前用零用錢買咗一件T恤,託人帶畀獄中嘅爸爸,希望佢上庭時著上身。T恤並唔名貴,亦唔係阿尹以前嘅穿著風格,但勝在印有「Our Dad We love you forever(爸爸,我們永遠愛你)」嘅字樣(圖),意義非凡。

小姊弟希望藉此表達對爸爸嘅愛意同支持,盼望衣服隨身愛隨心。

阿尹身在獄中,對於尹家亦帶來一大打擊,但小姊弟亦學會成長,例如16歲嘅大女已經學會安慰媽媽,擁抱迷惘嘅細佬,媽媽忙碌時仲幫手煮好飯菜。

兩姊弟唔能夠成日見到阿尹,所以花大量時間寫信,又喺信中畫畫,一有機會探訪,又或者喺法庭上見到爸爸時,就會大大力揮手,仲同爸爸「畀心心」。

上 / 下一篇新聞