港聞

港聞二

【Emily】霍啟剛:唔認同青年躺平論

【明報專訊】民政事務局同中聯辦噚日喺會展舉辦「融通中外‧文明互鑒」香港發展中外文化藝術交流中心高峰論壇,香港文聯常務副會長霍啟剛發言時提到,成日有人話要解決香港嘅青年問題,但佢認為絕大部分青年都積極正面;又話唔認同內地網絡流行嘅「躺平」論,而要燃點年輕人嘅希望,交流、合作同人才培養都好重要。

霍啟剛話,作為上一代希望多啲幫香港年輕人,例如建立一站式平台,幫年輕人上大灣區或內地其他城市發展。

活動出席嘅仲包括特首林鄭月娥、中聯辦副主任盧新寧,以及演藝界汪明荃、曾志偉等。林太喺開場致辭話,打造香港做中外文化藝術交流中心,要先建立香港人特別係年輕人嘅國民身分認同,以及對中華傳統文化嘅嚮往,所以有效嘅教育引導、輿論宣傳和社會文化薰陶至為重要,佢仲話唔止藝術機構同藝術工作者,亦應為教育界、傳媒和社會團體嘅共同責任。

盧新寧致辭時提到,中華文化係取之不竭嘅寶庫,反問如果香港疏離家國情懷,甚至「陷於本土迷思」,點樣可能創造出獨具魅力特色嘅文化形態。

相關字詞﹕林鄭月娥 躺平 霍啟剛

上 / 下一篇新聞