港聞

港聞二

【Emily】律政司:《律政動畫廊》最高逾6000點擊 最近上載一集 觀看次數8

【明報專訊】律政司為加強公眾對法治嘅理解,推出一系列措施,例如《律政動畫廊》、線上研討會等,律政司噚日喺回覆立法會司法及法律事務委員會嘅信中,提到《律政動畫廊》已上載22集影片,影片最高有逾6000點擊率;並預計未來3年繼續製作共60集影片。

Emily睇過律政動畫廊內容,涵蓋嘅除咗民事及刑事上訴、《僱傭條例》、《殘疾歧視條例》、合約法等,有幾集係講一國兩制,當中一集〈一國兩制:仔仔有事,爸爸點會唔理?〉,內容包括話「內地同香港就好似一對父子」、「中央喺我哋有需要時,一定會幫手」,例子包括疫情初期,中央協助香港穩定口罩、防疫物資供應,協助滯留港人返港等。

另一集〈一國兩制之我們這一家〉,就形容中港「就好似一對父子,血脈相連,永遠都係一家人」、「仔仔有嘅關懷同愛護,其實都係爸爸畀嘅」。Emily睇過律政動畫廊嘅YouTube頻道,部分集數觀看次數有900;而最新一集、喺7月12日上載講合約法嘅影片,觀看次數為8。

相關字詞﹕律政司 一國兩制 疫情

上 / 下一篇新聞