港聞

港聞二

【Emily】徐英偉著運動裝 立會議規管唔到?

【明報專訊】立法會早前修訂《議事規則》,引入衣著規定,議員出席立法會大會時只可穿商務衣飾,例如唔可以穿有標誌、口號嘅衣物,運動裝都唔合適。民政事務局長徐英偉噚日到立法會回應第一條關於「推動體育發展」嘅口頭質詢,佢著咗印有「HONG KONG CHINA」同區徽嘅運動外套,入面著恤衫打呔,呢身打扮引嚟有議員講笑話佢唔符合商務衣飾嘅規定。

唔知係咪因為有議員提醒,當佢喺立法會回應另一條口頭質詢時,已經著番西裝外套出現。不過Emily睇番《議事規則》,商務衣飾嘅針對對象係議員,唔知官員係咪都適用於有關規定。

東京奧運明日(周五)開幕,多名港將已到日本準備,而徐英偉近日都經常著住呢件運動外套出席活動,以示支持香港運動員。

相關字詞﹕議事規則 立法會會議 商務衣飾 民政事務局 徐英偉

上 / 下一篇新聞