港聞

港聞二

【Emily】波叔同後生行書展 參觀藝墟買零食

【明報專訊】書展噚日閉幕,財政司長陳茂波(中)早前同兩個年輕實習生一齊行書展,大談讀書心得。波叔話以前鍾意睇武俠小說,會追住睇,所以規定自己某段時間只能夠睇特定數量,睇夠就停。佢又參觀手工藝墟同零食展,買咗唔少心頭好,仲大讚青年攤主自己創業。

波叔喺fb上載片段,被問「小說、詩詞二揀一」,佢話鍾意詩詞;科幻定勵志?波叔話實係勵志。片中實習生仲問佢「如果你要讀晒書展裏面啲書要幾耐?」,波叔話「好多書㗎喎,不過(讀)『書』(呢個字)就一秒鐘就可以」;片段中有一隻烏鴉飛過,似乎對波叔呢個答案好無奈。

上 / 下一篇新聞