港聞

港聞二

【Emily】陳健民赴台政大教書 「希望一年後香港再見」

【明報專訊】佔中發起人之一、中大社會學系退休副教授陳健民(KM)噚日喺facebook宣布,已經接受台灣國立政治大學(政大)嘅邀請,擔任訪問教授一年,他剛抵達台灣,感謝該校社會科學院院長江明修早喺佢在囚時就已發出邀請。KM話未來一段時間,除咗教學之外,佢會閉關寫書、靜思走過嘅路,而網上節目《健民書房》同《健民講堂》會繼續,「希望一年後在香港再見」。

KM接受商台訪問時話,將會任教「社會運動」同「當代中國」兩科,因為有計劃返香港,所以教學時會受到《港區國安法》限制,「我會一如既往,喺班房係扮演另一個角色,主要係刺激大家思維,唔係將我個人政治意見喺嗰度宣揚」。

擬閉關寫書 續做網上節目

政大社會學系系主任黃厚銘喺facebook形容KM係真正嘅知識分子,以對方嘅學養、喺教學上所得嘅肯定,喺社會實踐上所樹立嘅典範,認為KM應邀擔任客座教授,係政大同社會學系嘅榮幸。

立法會前議員張超雄喺KM個帖文留言,「你一定能夠繼續發出正能量,像在波濤洶湧大海的彼岸燈塔一樣,為大家帶來希望」。中大崇基學院神學院前院長邢福增就話,政大係一處好地方,叫KM「好好安靜,好好寫作」。

相關字詞﹕港區國安法 台灣 陳健民

上 / 下一篇新聞