港聞

港聞二

【Emily】秦石街市變古廟風開幕 小食街開到午夜

【明報專訊】位於大圍嘅「秦石街市」,經過超過4個月翻新活化工程後,以中式古廟風貌重新開幕。街市鄰近車公廟,設計團隊參考傳統廟宇嘅建築元素,包括紅柱綠瓦、祥雲雕刻裝飾同紅花燈等,仲加入車公廟嘅特色風車,寓意風調雨順。街坊日後買餸嘅同時可以順便行個大運。

活化工程耗資幾千萬元,日後秦石街市除咗賣新鮮食材,亦會有營業至午夜12點嘅小食街,以及中式酒樓。疫情下,市民去街市買餸都特別注意衛生,秦石街市活化時重新規劃空間,擴闊通道空間並鋪上防滑地磚,所有商戶都安裝咗電子支付系統,市民可以使用非接觸式付款,遲啲亦可以用政府即將發放嘅電子消費券購物。另外,慈善機構「惜食堂」下月起會定期喺街市回收食材,將食材烹煮成食物包,免費派發畀有需要者。

相關字詞﹕街市 車公廟 秦石街市

上 / 下一篇新聞