港聞

港聞二

【Emily】歐盟駐港澳辦事處 出食譜講歐洲傳統美食

【明報專訊】歐洲傳統美食多,近兩年疫情關係,大家無法去歐洲旅行,不過都可以試吓自己煮歐洲美食!話說歐盟駐港澳辦事處今年喺書展化身「作家」,出版載有歐盟27個成員國特色菜餚嘅食譜《美味歐洲》(Tasty Europe),教大家煮各國美食、希望可以反映多元嘅歐洲飲食文化。Emily睇過目錄,書中載列食譜包括比利時嘅朱古力慕斯、捷克嘅餃子配酸菜烤豬、瑞典肉丸、葡萄牙嘅「葡式海鮮煲」等,睇到個名都覺得充滿歐洲特色!

歐盟駐港澳辦事處署理主任韋理斯(Charles Whiteley)日前表示,食譜展現食物如何聯繫身分認同、感情;佢話歐盟有27個成員國,合共多達4.5億人口,匯集來自世界各地嘅佳餚,實在係美食嘅大熔爐。據Emily所知,歐盟辦事處喺書展都設有攤位,上述食譜可以免費拎𠻹。

上 / 下一篇新聞