港聞

港聞二

【Emily】鄒幸彤坐監修煉手冊:警惕「習慣服從」

【明報專訊】支聯會副主席鄒幸彤正還押獄中,佢話自己要由大律師轉型做作家,最近其facebook「連載」佢嘅「坐監修煉手冊」,噚日去到第三課:警惕習慣服從。佢話喺獄中生活就係由無盡指令堆疊而成,例如叫在囚者脫光、立正、洗廁所等。佢話有啲「被命令」嘅事例如清潔,如果喺自由狀態,佢可能樂意甚至主動去做,因佢認為大家生活喺同一房間,但當呢啲事變成被命令去做,就完全唔同。

話體會強迫人做事往往適得其反

佢形容,當睇住懲教姑娘企喺房中間指使話「你,掃地」、「你,抹枱」,然後所有人就圍住佢忙,而懲教姑娘喺中間悠然自得,「很難不生出怨懟不平之意,本來就想做的事也會變得不想做了」。鄒幸彤話體會到強迫人去做事往往適得其反,不強制、說說理,大家反而會開開心心做好件事,「但我們的國家領導人,好像從來就明白不了這個顯淺的道理」。

鄒幸彤話開始捉摸到嗰種令佢唔舒服嘅感覺係咩,就係強加於佢身上、無從改變嘅階級與不平等。不過,佢話可以選擇唔好內化獄中強加畀人嘅習慣、唔好內化服從,時刻提醒自己每個指令背後都係國家暴力,每次服從都係屈辱。

上 / 下一篇新聞