港聞

港聞二

【Emily】北區議會監察派掃把 諷泛民區議員唔辭職

【明報專訊】區議員宣誓在即,有風聲話曾借出議辦做民主派初選票站等嘅議員會被DQ兼追薪津,大批民主派辭職。北區區議會截至噚日,餘下主席羅庭德、民主黨黃凱盈、周錦豪同張浚偉4個民主派區議員未辭職。由建制派組成嘅「北區監察議會聯盟」噚日去咗黃凱盈同周錦豪議員辦事處外派掃把、垃圾鏟畀街坊,仲拉埋橫額「掃舊迎新贈掃把」。

有份去派掃把嘅民建聯北區支部主席姚銘同Emily講,呢個行動寓意係「掃走攬炒派」,掃把、垃圾鏟上面都貼呢個貼紙。佢又話日前已去羅庭德、張浚偉議辦派掃把。

有建制報章引述市民批評區議員辭職係「背棄選民」,姚銘就話民主派「走唔走係由佢哋自己決定」,例如判斷過去有冇行為違反《基本法》,而北區監察議會聯盟嘅行動只係溫馨提示。

上 / 下一篇新聞