港聞

港聞二

【Emily】3歷史建築列法定古蹟 般咸道官小 舊大埔警署 沙頭角協天宮

【明報專訊】政府噚日刊憲,公布古物事務監督根據《古物及古蹟條例》,將位於西營盤嘅般咸道官立小學、舊大埔警署同埋沙頭角協天宮列為法定古蹟。翻查古蹟辦網頁,連同上述3幢建築,香港法定古蹟已增至129項。

根據古蹟辦資料,3幢歷史建築都係戰前樓宇,當中般咸道官小校舍建於1940年,位於主樓嘅防空洞見證日本入侵嘅歷史,喺香港現存建築中頗為罕見。舊大埔警署喺1899年落成,係新界現存歷史最悠久嘅警署,已被活化為「綠匯學苑」。

沙頭角鄉委盼開放禁區遊覽

至於沙頭角協天宮,古諮會喺今3月開會審議將呢3幢建築列為法定古蹟時,有委員反映過協天宮位於禁區,市民日後遊覽會有困難,當時古蹟辦代表話日後可以安排市民參加導賞團,但無交代詳情。沙頭角鄉事委員會副主席曾玉安噚日喺facebook發帖,話現行政策下安排導賞團遊覽協天宮係唔會獲禁區證辦事處批准,認為最好嘅方法係開放禁區,咁就所有市民都可以隨時遊覽區內古蹟,促進經濟發展。

相關字詞﹕法定古蹟

上 / 下一篇新聞