港聞

港聞二

【Emily】審查參選人 李家超:考慮清單以外行為

【明報專訊】李家超升任政務司長後,仲做埋候選人資格審查委員會主席。佢接受《環球時報》訪問,重申會確保冇人可以偽裝成「擁護」、「效忠」,偽裝成「愛國者」入閘參選。政府已修訂《釋義及通則條例》列出「負面清單」,列明不符擁護《基本法》、效忠特區嘅行為,李家超喺訪問中就話,清單以外嘅行為都會考量。咁係指咩情况?佢話如果將所有情况講明,咁偽裝嘅「愛國者」就可能鑽漏洞逃避審查,所以有啲內容不便公開。

李家超喺訪問中強調,判斷一個人係咪真誠地擁護基本法、效忠特區,除條例中列明嘅客觀標準外,仲要綜合考慮其他情况,即係話資審委可以不限於本地條例規定嘅內容,考量清單以外嘅行為,通過討論做出決定。

至於有咩工作確保未來3場選舉順利舉行,佢話會事先做全面風險評估,喺選前及選舉當日派大量執法人員高調巡邏,仲會加強監控網上資訊。

相關字詞﹕愛國者治港 候選人資格審查委員會 恐怖主義 政務司長 李家超

上 / 下一篇新聞