港聞

港聞二

【Emily】空中藝廊屋邨推出

【明報專訊】有無諗過喺屋邨都可以欣賞到音樂表演?由藝術發展局推行嘅「空中藝廊」項目,6月底起分三階段喺房屋協會轄下屋邨推出,市民只需要下載有關應用程式,並掃描屋邨嘅「AR虛擬熱點」二維碼,就可以欣賞由本地青年藝術家原創嘅藝術表演,包括中樂、西樂、印巴民歌、形體舞蹈同戲劇,並同時感受屋邨嘅建築美學。

首階段推出嘅屋邨包括觀塘花園大廈、香港仔漁光村、筲箕灣明華大廈、土瓜灣樂民新村同九龍城真善美村,至於第二同第三階段則會喺7月同8月期間推出,屆時「空中藝廊」將拓展至房協所有出租屋邨,並會舉行至今年底。

上 / 下一篇新聞