港聞

港聞二

【Emily】張華峰開立會電話狂響 職員撳停鈴聲

【明報專訊】唔使講都知道,開會時電話應該校靜音。經民聯立法會議員張華峰(肥老闆)噚日開緊立法會會議時就唔記得咗,佢喺會上就「防範極端主義的傳播」發言,講咗幾秒,純音樂鈴聲就響起,肥老闆將放喺枱面嘅電話,放喺自己背後並繼續發言,但鈴聲繼續響緊,最終要立法會嘅工作人員行埋去,拎走佢個電話同撳停鈴聲。

立法會主席梁君彥喺肥老闆發言後提醒,朝早有議員嘅電話鈴聲響咗好多次,大家帶電話入會議廳一定要將電話校靜音。肥老闆之後喺會議廳外同記者講,頭先開會時打畀佢嘅係黨友、地產及建造界議員石禮謙,唔知點解想撳停電話又撳唔到,真係唔好意思,而佢平時都會將電話校做靜音先開會。

相關字詞﹕梁君彥 立法會大會 張華峰

上 / 下一篇新聞