港聞

港聞二

【Emily】去藝里坊同石澳 旅局搵「教主」Ian宣傳打卡秘點

【明報專訊】港版《大叔的愛》成為熱話,唔少盧瀚霆(Anson Lo)「太太」都話要跟住劇中一對情侶嘅步伐遊香港。咁就啱晒喇,旅發局搵咗Anson Lo同埋另一名MIRROR成員陳卓賢(Ian)分享香港鮮為人知嘅影相秘點。原來只要細心發掘,香港唔少地方都好值得打卡㗎!

Ian話去石澳如置身歐洲小鎮

Anson Lo噚日就喺instagram放咗兩張相,見佢喺西環「藝里坊」壁畫前面超chok咁擺跳舞pose。佢喺帖文話,無論幾熟悉嘅街道,只要構圖花啲心思,已經可以帶嚟全新視角。

Ian就為粉絲帶來「女友視覺」,喺石澳嘅建築前影相。佢就覺得,每次去石澳都好似去咗歐洲小鎮,仲話只要細心探索,喺香港都可以搵到好多異國風情嘅地方。

佢哋兩個叫粉絲一齊四出探索美景,仲話會揀心水地點影靚相,隨時約兄弟一齊打卡!有興趣嘅鏡粉不妨都周圍行吓,話唔埋真係可以撞到佢哋。

上 / 下一篇新聞