港聞

港聞二

【Emily】港播《覺醒年代》 CY:令社會認識民族復興

【明報專訊】今年係中國共產黨成立100周年,香港再出發大聯盟同有線電視噚日舉辦內地電視劇《覺醒年代》首映會,出席者包括全國政協副主席梁振英、中聯辦秘書長王松苗、全國人大常委譚耀宗,仲有久未公開露面嘅民政事務局前局長何志平同太太胡慧中等。呢套劇係講述「新文化運動」到中共建立嘅早期革命者歷程;噚晚喺77台香港開電視、有線綜合娛樂台首播,套劇有43集,每集約45分鐘。

何志平偕妻露面 回應「冇咩搞」

梁振英致辭時話,父母分別喺1911年及1915年出生於山東,就係《覺醒年代》嘅時代背景。佢喺父母口中聽過不少家鄉故事,有親切嘅鄉情,但更多嘅係覺醒前嘅封建、落後。佢相信《覺醒年代》會令香港社會尤其年輕人,對民族復興歷程有更全面認識。

何志平2018年被美國裁定洗黑錢等7罪成立,去年出獄返港。被問到有咩新搞作,佢話「冇咩搞」。之前有報道話佢喺北角飯聚疑違4人一枱限聚令,佢對呢件事冇回應。

上 / 下一篇新聞