港聞

港聞二

【Emily】律師會改選 混血女將表態想參選

【明報專訊】律師會周年大會8月24號舉行,包括改選5名理事,有意參選人相信會陸續曝光。噚日SM & Co Solicitors創辦人馬秀雯(Selma Masood)表達有意參選,佢形容香港過去兩年經歷巨變,但佢仍相信法治、珍惜香港核心價值;如果當選,希望律師會更透明、喺法治等議題上可回應得更及時。佢話,去年亦有人向佢招手參選,但對方上年都湊齊5人,所以佢等到今年先出嚟。

點睇國安法? 籲各界勿違法

Selma嘅爸爸係中東人、媽媽係香港人,佢喺香港土生土長,大學喺英國讀音樂同法律;其後返港執業,2015年創辦律師樓,同意大利嘅律師樓有連繫,佢識法文、德文、意大利文等。作為女性,佢亦好關注性別平等等議題。

律師會主要分為「開明派」、「專業派」,被問到同邊個陣營較接近,Selma就話律師會並非政治組織,唔想討論黃藍;但對於坊間話法治已死,佢認為係非常負面(negative)嘅說法,希望可帶來希望。至於點睇《港區國安法》,佢主要呼籲各界唔好違法。

上 / 下一篇新聞