港聞

港聞二

【Emily】「聯合出版」搞打針抽獎 大獎1萬蚊書券

【明報專訊】首劑新冠病毒疫苗接種率目前大約38%,與七成群體免疫目標有一段距離,商界近日推出各種打針抽獎,獎品包括樓、車、信用卡免找數簽帳額、staycation等,連出版界都宣布推出抽獎。聯合出版集團噚日宣布,為響應政府接種疫苗計劃,分兩期抽出由「一名希望凝聚香港正能量的退休文化工作者」同聯合出版集團捐出總值200萬元書券,包括10份大獎(價值各1萬元嘅書券)、1900份二獎(價值各1000元嘅書券),書券可以喺三聯集團、中華書局、商務印書館等門市使用。

參加條件係年滿18歲並持有香港居民身分證,永久居民同非永久居民都得,並喺7月31日(第一期抽獎)或者8月31日(第二期抽獎)之前,接種咗最少一劑新冠疫苗。

上 / 下一篇新聞