港聞

港聞二

【Emily】中大校友評議會選舉 林兆彬積極考慮參選

【明報專訊】有傳政府會向被DQ嘅區議員追收薪津後,大量民選區議員相繼宣布辭職。已辭職嘅前油尖旺區議員林兆彬前日喺facebook宣布將「積極考慮參選中大校友評議會常委」。中大校友評議會今年度周年會員大會將喺8月21日舉行,到時會選出副主席、兩席常委、補選九龍城前區議員李軒朗辭去嘅常委空缺,合共選出3席常委同埋兩席大學校董。

稱如當選常委 有意下年競逐校董

林兆彬話一直有跟進校政,並擔任中大校友捍衛院校自主關注組成員,佢辭咗區議員後,多咗時間參與其他事,一直覺得中大校友評議會缺乏「開明派」,加上冇咗學生會,想為學生發聲。佢話可能會協調埋其他開明派參選人,以聯合名單出選。佢話參照今年4月紅館嘅改選,對選情樂觀,又話如果當選,有意下年爭做校董。

相關字詞﹕區議員辭職 區議員 中大校友捍衛院校自主關注組 林兆彬 中大 中大校友評議會

上 / 下一篇新聞