港聞

港聞二

【Emily】龍尾海膽拮泳客 黃偉綸:可和諧共存

【明報專訊】發展局長黃偉綸(Michael)噚日發表網誌,介紹上月開放嘅大埔龍尾泳灘,話係香港首個由政府興建嘅人造泳灘,以「先保育,後建造」作設計原則。值得留意嘅喺,雖然佢話人類同海洋生物可以和諧共存,體現咗可持續發展嘅理念,但係龍尾泳灘上月開放頭五日,已經有近百個泳客被海膽拮親。

話淋浴間頂通透 睇到八仙嶺靚景

Michael喺文中話龍尾泳灘座向東南方,令海浪正面冲向泳灘,加上兩邊有護沙堤,避免沙粒流走,而土拓署仲將附近蘆慈河同一道排水渠出口移離泳灘,伸延至護沙堤以外,避免對泳灘造成污染。佢又話,為咗襯托龍尾泳灘附近嘅美景,泳灘服務大樓設計講求開放同通透,泳客冲涼時仲可以喺淋浴間頂部嘅三角形天窗,睇到優美嘅八仙嶺山景,而觀景台設喺較泳灘高一層嘅水平,起伏嘅頂部同背後八仙嶺山脊線互相呼應,遠睇會睇到波光粼粼嘅海浪,仲可以享受海風同日落。篇文入面就無提醒大家小心海膽,只係叫大家注意安全,避免騷擾或撿取海洋生物。

相關字詞﹕黃偉綸 大埔龍尾泳灘

上 / 下一篇新聞