港聞

港聞二

【Emily】歐國盃戰火燃至意英駐港領事館

【明報專訊】球迷關注嘅歐洲國家盃決賽大戰,見報之時獎盃應名花有主,但賽前意大利及英格蘭兩方對壘氣氛火熱,仲由兩國球迷延伸至兩國喺香港嘅領事館。英國駐港總領事館門口噚日掛起英格蘭嘅十字標誌直幡,為球隊打氣。英國同意大利嘅駐港領事賽前都隔空叫陣,話要打敗對方。

英國駐港署理副總領事Sarah Robinson前日喺領事館官方網頁出帖圖,佢著住英格蘭波衫,大喊「We're ready to bring it home」,期盼可以得到55年來首個大賽錦標。意大利駐港總領事孔德樂都同時出post,一齊談論賽事,話領事館全力支持國家隊,話要喺英國溫布萊球場上擊敗對手,爭奪冠軍!

不過,兩位領事其實都友好,話明兩國雖然球場上係敵對,但同時話兩地政府都會齊心,合作應對氣候變化,期待今年11月喺格拉斯哥舉行嘅聯合國氣象變化大會上一齊努力。

相關字詞﹕歐國盃 歐洲國家盃

上 / 下一篇新聞