港聞

港聞二

【Emily】曾志豪去咗台灣:抱歉沒道別 未交代原因 網友留言「好消息」

【明報專訊】港台前節目主持曾志豪噚日喺facebook發文,透露已經去咗台灣,話「很抱歉,也是沒能好好和各位說一聲道別」,未有交代嚟緊嘅動向同離開原因。唔少網友留言形容係「好消息」,祝願佢平安,亦有網民希望佢喺台灣繼續開live,為香港人發聲。

網友籲在台開live為港發聲

曾志豪噚日喺facebook上載咗一張台灣街景相,形容「睜開眼才醒覺,原來這已不是香港」,並對記掛佢安好嘅朋友講「讓你們操心了……許多人和事,千言萬語,在心中」,又話「以後的路,就是要一直走下去」。

「睜開眼才醒覺已不是香港」

以《頭條新聞》「小豪子」形象深入民心嘅曾志豪,主持另一個電台節目《瘋Show快活人》多年,上個月中同拍檔「貴花田」被港台即時解僱,未有機會同聽眾道別,港台並無回應解僱係咪同曾志豪嘅言論有關。曾志豪之後亦有繼續喺《明報》撰寫專欄,又喺自己專頁開live談論時事,今個月開始亦有同「立場新聞」合作,推出時事節目。

相關字詞﹕曾志豪

上 / 下一篇新聞