港聞

港聞二

【Emily】港台擬黃金時段播內地劇《號手就位》 火箭軍做題材 一周播7日

【明報專訊】香港電台電視31台多個節目包括《視點31》、《五夜講場》,之前都收到通知要停止製作,當時就傳出係要騰空黃金時段,喺7月19日起播內地劇,官方一直無否認。Emily噚日聽聞,港台打算播嘅內地劇叫《號手就位》,會星期一至日喺夜晚黃金時段播。港台回覆話,有關最新節目安排,請留意稍後公布。

港台:節目安排留意稍後公布

根據網上資料,《號手就位》共49集,由李路、張寒冰執導,係中國第一部以火箭軍為題材嘅電視劇,根據豐傑長篇小說《斑斕:畢業了,當兵去》改編,講一班大學生火箭軍新兵投身軍營,喺老兵帶領下,最終成長為中國火箭軍「王牌號手」。

上 / 下一篇新聞