港聞

港聞二

【Emily】網購平台「光時」周日結業

【明報專訊】喺前年反修例運動期間,黃色經濟圈形成,當時有班義工發起成立網購平台「光時」,希望可以幫助受社運影響嘅青年。噚日「光時」公布會喺嚟緊嘅星期日(11號)正式結業。

「光時」起初以賣日用品、食品為主,佢哋當時話希望可以建立一個可持續發展嘅就業平台,做到「不割席亦不施捨」。不過去到上年底,「光時」曾被詬病「肥上瘦下」,今年初更換管理層成員,又定期公布財務狀况。去到今年6月,「光時」啓動「光時末日鐘」,因應銷售額去調整,每月要做超過1500張單先可以生存落去。上個月佢哋成功達標,末日鐘回撥30日。

不過,「光時」噚日就喺網上宣布結業,話「希望大家畀啲空間我哋,唔好追問結業原因,因為係完全唔關營運事嘅」。帖文又話會即日解除所有員工嘅合約並賠償,全部貨品會七折出售清貨,又話會積極幫員工搵新工。

相關字詞﹕黃色經濟圈 光時

上 / 下一篇新聞