港聞

港聞二

【Emily】陳婉嫻斥派消費券益商界不諳民情

【明報專訊】5000元電子消費券今個星期開始登記。工聯會榮譽會長陳婉嫻噚日喺報章專欄撰文,批評「香港政府就像永遠跟地面有一段距離」,以派消費券為例,話勞師動眾搞一大輪,「益了商界,卻不了解民情」,坐喺冷氣房嘅官員唔明白基層可以拎住5000元現金係幾咁開心。佢又批評薪高糧準嘅公務員亦唔明白,過去一年打工仔女嘅徬徨。

嫻姐喺文中話,過去兩年香港經歷咗史無前例嘅衝擊,無論係政治或疫情,香港人都付出咗好大代價。不過,政府就一次又一次唔聽從民意,唔跟善意嘅指導,例如抗疫上,「香港政府總好像很有辦法,不屑或不敢跟從內地甚至澳門的做法,卻至今仍未能踏上通關之路」。嫻姐認為呢種傲慢態度係香港最大阻力。

佢話,有人認為「既然無能力的人製造了爛攤子,那就應該找有能者改變一番。誰有能?」,強調未來兩三個月嘅抗疫進度非常關鍵。

相關字詞﹕財政預算案 財政司長陳茂波 工聯會 陳婉嫻 電子消費券

上 / 下一篇新聞