港聞

港聞二

【Emily】流動相展橫額被毁 葉錦龍逐一修補

【明報專訊】中西區區議員葉錦龍之前喺區內各處掛起12張「塘西光影」流動攝影展嘅橫額,展示一班街坊引以為傲嘅石塘嘴靚景靚人靚風情,用相片配上填詞人梁柏堅嘅文案。不過,葉錦龍話一個星期內,大部分橫額已經被破壞,最過分係被割到支離破碎。佢前日逐一修補橫額,希望大家可以繼續欣賞靚相。佢又引用《銀河修理員》嘅歌詞:「總有某些修補可以做/縫了再破穿了再補/這亂世未必可修理好」。

「幾時見過嚴正執法」

葉錦龍話,佢辦事處之前掛嘅橫額,即使係關於抗疫資訊,都難逃「毒手」。佢話,「連毫無政治成分既風景相都被人惡意破壞,試問一向係啲乜嘢人煽動仇恨、鼓吹暴力、縱容騷擾、姑息違法行為?」佢反問幾時見過「嚴正執法」、「一視同仁」處理呢啲長期針對區議員嘅刑事破壞。

相關字詞﹕銀河修理員 中西區區議會 葉錦龍

上 / 下一篇新聞