港聞

港聞二

【Emily】疫苗外展走入迪士尼 1000員工打針

【明報專訊】政府近期派出外展隊為各企業同團體嘅員工接種新冠病毒疫苗,團隊噚日就去咗迪士尼樂園為員工打針,合共約1000人參與,將會分幾日進行。迪士尼係首間參與外展接種嘅主題公園。

公務員事務局長聶德權喺facebook話,迪士尼為今次接種做足準備,包括舉辦講座同埋接種前檢查等,唔少參與嘅員工係接待人員。佢又同來自餐飲部及保安部嘅員工交流,有啲人話家人早已打針,希望可盡快通關到內地;亦有人話平日工作接觸唔同人,希望加強保護。

在港難民7月中起可打針

另外,繼港府5月底起容許持有「雙程證」嘅內地居民接種疫苗,當局再擴闊範圍,約2000多名持有有效旅遊證件嘅其他訪客,可由今日起去郵局預約,喺逗留期限內到29間疫苗接種中心完成接種兩劑疫苗。政府亦準備安排在港嘅免遣返聲請人及獲聯合國難民事務高級專員署確認為難民嘅人,大約7月中起可打針。

相關字詞﹕迪士尼樂園 新冠疫苗 新型冠狀病毒

上 / 下一篇新聞