港聞

港聞二

【Emily】李家超見內會正副主席「有傾有講」

【明報專訊】新任政務司長李家超噚日下晝首次以政務司長身分,同立法會內會主席李慧琼(Starry)、副主席馬逢國見面,事後仲出稿發相,話司長會面時表示會全力支持特首施政,按照《基本法》全面準確落實「一國兩制」,並落實「愛國者治港」理念。

稍後約見立會不同黨派

李家超話,期望與立法會議員緊密合作,共同促進行政與立法嘅關係,政府會致力同立法會保持有效溝通及緊密聯繫;佢會多撥時間與不同立法會議員聯繫,就政府喺呢屆立法會任期完結前提供嘅法案同撥款建議交換意見;又話會帶領相關政策局全力配合立法會喺餘下任期嘅審議工作。

Starry就話,會面總體氣氛良好,「有傾有講交換意見」,指李家超承諾政府推出政策前會多同議員溝通,相信司長稍後亦會約見立法會不同黨派。

相關字詞﹕內會 李家超

上 / 下一篇新聞