港聞

港聞二

【Emily】法政匯思早決解散 進步教師同盟停運

【明報專訊】由法律界人士成立嘅議政組織「法政匯思」早前解散,有不願具名的成員同Emily確認組織喺兩個月前開會後決定解散,但無回應解散原因。法政匯思嘅facebook專頁及官方網站已停用。另2014年成立嘅教師組織「進步教師同盟」前日於facebook宣布即日起停止運作,專頁亦會下架。

前法政成員:個人名義較易發言

前法政匯思召集人、大律師李安然接受有線電視查詢時確認組織已解散,但由於組織係註冊社團,解散需時,可能仍未從名單除名。

有前法政匯思成員話,解散後各人可以個人名義發言,以免將其他人「拉落水」;若唔解散成員將更難就法律議題發言。法政匯思2015年成立,當時由約50名大律師、事務律師及法律系學生組成,成立理念為捍衛法治、民主、自由等核心價值。

劉其烽辭北區區議員:世局無常

區議會方面,再有區議員宣布辭職。前新民主同盟成員、北區區議員劉其烽噚日喺fb話,已經向區議會秘書處請辭,15號生效。佢話世局無常,加上就任後嘅工作壓力,導致身體愈來愈差,為減輕家人擔憂而請辭。

相關字詞﹕劉其烽 進步教師同盟 法政匯思

上 / 下一篇新聞