港聞

港聞二

【Emily】保安局推國安法網上虛擬展覽

【明報專訊】《港區國安法》頒布一年,為咗增加市民對國安法背景、重要性等嘅認識,保安局喺網上推出國安法網上虛擬展覽,共有6個展區,涵蓋國安法嘅重要性、法律制度、執行機制、主要條文,亦介紹各紀律部隊喺維護國家安全方面嘅工作同埋國安法嘅成效。呢個網上展覽似足行展覽館咁,原來係以香港藝術館5樓「新空間」展廳為虛擬場。

Emily睇過個網站,當中形容2003年《基本法》23條立法失敗後,香港國家安全風險起咗急劇變化,其間發生唔少嚴重損害法治、公共秩序和危害國家安全嘅事,列舉嘅包括2014年「違法佔中」、2016年「旺角暴動」、2018年「鼓吹港獨的香港民族黨被禁止運作」、2019年「6月開始的黑暴」。而國安法成效方面,展覽就列舉證券市場每日平均成交金額,今年頭4個月較2019年底上升140%、證券市值增加四成;因大型公眾活動被捕嘅人,國安法生效後亦下跌75%。

虛擬展覽網站:nslexhibition.hk

相關字詞﹕保安局 虛擬展覽 國安法一年

上 / 下一篇新聞