港聞

港聞二

【Emily】容海恩盧偉國演奏《國際歌》獻黨

【明報專訊】今年係中共建黨100周年,立法會議員容海恩同盧偉國噚日(30日)喺facebook上載兩人聯同一班香港各界名人演奏一曲《國際歌》,一眾名人特意拍呢條片向過去為黨、國家及人民貢獻過嘅先烈致敬,同埋慶祝中國共產黨建黨100周年。

片段中,香港各界名人玩唔同嘅樂器,包括盧偉國吹奏色士風、容海恩吹奏小號,以「雲合奏」形式,共同演奏一曲《國際歌》。《國際歌》係最著名嘅國際共產主義運動頌歌之一,首歌源自法國,歐仁.鮑狄埃在1871年作詞,皮埃爾.狄蓋特於1888年譜曲,後來被翻譯成多種語言,傳遍全球。《國際歌》象徵共產黨為理想不懼艱險、勇敢戰鬥同不怕犧牲嘅精神。

相關字詞﹕國際歌 盧偉國 容海恩

上 / 下一篇新聞