港聞

港聞二

【Emily】李永達「出山」選民主黨副主席

【明報專訊】民主黨林卓廷早前因民主派初選案還押,辭去黨副主席一職,該黨近日將會補選副主席,盛傳會由元老、前立法會議員李永達「出山」競逐。李永達向《蘋果日報》表示,因為在囚嘅胡志偉、尹兆堅同林卓廷力勸佢「出山」,雖然佢本身已經無意再做民主黨領導層,但眼見黨友比佢承受更大痛苦,所以決定競逐,希望喺政治低氣壓下穩住民主黨軍心,令該黨唔好喺政治大風大浪下自己散咗。

李永達亦提到,因為民主黨主席羅健熙喺現時局勢已經負起好大責任,希望自己可以為對方分擔一下。

其實,喺林卓廷辭任副主席一職時,唔少民主黨成員已經估李永達會出山,認為佢較多參與黨務,亦夠力壓場。翻查資料,去年民主黨改選時,李永達並未參選中委。有民主黨中人笑言,阿達出山,到時同主席羅健熙、副主席梁翊婷,就係佢哋網台節目《高達順風耳》嘅組合重聚。

相關字詞﹕民主黨

上 / 下一篇新聞