港聞

港聞二

【Emily】唔等政府DQ 單仲偕辭區會主席

【明報專訊】民主黨單仲偕上月底因前年「10.1遊行案」判囚14個月、緩刑兩年,根據《區議會條例》會失去區議員資格。單仲偕本身係葵青區議會主席,Emily噚日翻查葵青區議會網頁,發現已經冇咗「主席」,單仲偕變番區議員,原來佢為咗減低震盪、等區議會盡快選出新主席,早前已經辭去區議會主席一職。

盼減區會震盪 盡快選新主席

單仲偕向Emily解釋,辭去主席主要係技術原因,因為佢理論上喺上個月就案件認罪後已唔再係區議員,但政府刊憲DQ需時,下個月又有區議會大會,現時既唔可以話佢唔係主席、但到時又唔知搵唔搵佢主持會議好,為免法律麻煩,佢決定辭去主席職務,希望下月區議會大會盡快選出主席。

單仲偕近日就分批請區議員食飯話別。有冇聽聞新主席人選?佢就話唔評論啦,不過都希望一眾區議員工作順利、快啲搵到佢嘅接班人,等未來區議會運作順利啦。

梁志成梁靜珊政治聯繫改獨立

另外,Emily睇葵青區議會網頁,亦發現本身係街工嘅梁志成、梁靜珊,分別將政治聯繫改為「獨立」同無政治聯繫,翻查資料,梁志成早前曾喺facebook話退出街工。

相關字詞﹕區議會條例 區議會主席 葵青區議會 單仲偕 區議員 民主黨

上 / 下一篇新聞