港聞

港聞二

【Emily】同6月生日 許智峯念獄中戰友尹爸爸

【明報專訊】立法會前議員尹兆堅同許智峯分別喺6月7日同8日生日,但今年過生日嘅地點截然不同。阿峯目前流亡澳洲,前日喺異地度過39歲生辰,話最開心收到女兒親手畫嘅生日卡,但當諗起喺香港嘅戰友,難免感到心酸,「有多少個獄中過生日的爸爸,不能如此緊抱女兒的手?」阿尹早前喺獄中過生日,兩個仔女要去探監為爸爸慶生。

稱唯一願望是自由地回家

阿峯噚日喺facebook出帖,回憶起仲做緊議員時,立法會辦公室嘅同事總會買蛋糕,為佢同阿尹一齊慶生,仲會開玩笑將阿峯嘅名字寫成「許智勇」。物是人非,阿尹如今已在獄中,阿峯嘆道:「有多少個孩子以淚洗面,每日期待爸爸回家?」佢話自己想念阿尹、同事、手足,希望對方一切安好。至於生日願望,阿峯話唯一希望係「自由地回家,回到光復的香港」。

民主黨林卓廷亦因初選案被還押,嚟緊嘅周日就踏入44歲。阿廷寫咗一封信畀大家,將會由黨友冼卓嵐拍片讀出,片段可於周日晚上阿廷嘅YouTube頻道睇到。

相關字詞﹕民主派初選案 尹兆堅 林卓廷 許智峯 民主黨

上 / 下一篇新聞